المنصة: جوجل

إعلانات جوجل للعقار: إعلانات تطلع لما أحد يبحث، وحملات Performance Max اللي توزّع إعلانك على أماكن جوجل كلها، ويوتيوب.

تركّب Tag Manager وGA4، أدوات جوجل اللي تعدّ النتائج، وتضبط العدّ صح. وتختار كلمات بحث تبيع، وتبني صفحة يفتحها العميل من الإعلان وتخليه يتواصل. بصور حقيقية للخطوات الأساسية.

وش تاخذ بالضبط

إعلانات جوجل للعقار في السعودية

الإصدار الأول 2026 · 557 صفحة · 6 أجزاء.

• يبدأ بفصل «لماذا جوجل للعقار السعودي، ومتى يستحق ريالك»، ثم «الحسابات الستة: الأرقام كما هي»
• جوجل بالتفصيل وبالصور: تفتح حساب Google Ads بالوضع الخبير (Expert mode). وتركّب Tag Manager وGA4، وتضبط عدّ النتائج. وتبني حملة بحث من الكلمة للإعلان. وتشغّل Performance Max وDemand Gen ويوتيوب. وتقرأ التقارير وتحسّن.
• الإعلان نفسه: كيف تخطط له، والفيديو، وكيف تجرّب كذا إعلان، وأمثلة إعلانات عقار
• من أول تسجيل لين الحجز: الصفحة اللي يفتحها العميل من الإعلان، وكيف تخلي أكثر الزوار يتواصلون، والواتساب، وجدول العملاء (CRM)، وكيف تعرف مين الجاد، وإعلان يرجع يوصل للي شافوك قبل
• خطة 30 يوم على جوجل، والقوائم والقوالب، وكود جوجل للمبرمج، وقاموس المصطلحات

الكتاب يبدأ بفصل مكتوب للمنصة نفسها (عنوانه في صفحتها)، وبعده «الحسابات الستة: الأرقام كما هي».

وبعدها ستة أجزاء:

1. العقار السعودي في صفحات.
2. وأساسيات شراء الإعلانات.
3. وشكل الإعلان اللي يشتغل على المنصة.

4. والمنصة بالتفصيل وبالصور.
5. ومن أول تسجيل لين الحجز: الصفحة اللي يفتحها العميل، والواتساب، وجدول العملاء (CRM)، ومعرفة الجاد، وإعلان يرجع للي شافوك قبل.
6. وآخرها التشغيل والتوسع، مع خطة 30 يوم على المنصة.

وفي الآخر القوائم والقوالب، وكود المنصة كامل للمبرمج، وقاموس المصطلحات.

وفي كل كتاب منصة: وين تكتب رقم ترخيص الإعلان العقاري على هذي المنصة. وكيف تحط صفحة الخصوصية وموافقة العميل داخل النموذج. وإعلانات انرفضت فعلًا، وسبب الرفض بكلام المنصة، والحل.

حالات رفض حقيقية في الكتاب، بثلاث أسباب: اسم النشاط، والكلام المكتوب على الصورة، وصفحة ما تفتح. والسبب بكلام جوجل، والحل، ووش صار بعدها.

ملخص جوجل

الإصدار الأول 2026 · 19 صفحة.

فيه:

• ليش هذي المنصة للعقار السعودي، وأرقام مرجعية تقارن بها حملتك.
• وكيف تجهّز الحساب، وتركّب الكود اللي يعدّ النتائج، وتطلق أول حملة، بصور حقيقية.
• وشكل الإعلان اللي يشتغل عليها، مع نص جاهز.
• ومن أول تسجيل لين الحجز في صفحتين.
• وخطة 30 يوم أسبوع بأسبوع.

الدليل السريع

الإصدار الأول 2026 · 67 صفحة · 14 فصل، مكتوب كقصة شركة مثال تمر بنفس مواقف الحسابات الحقيقية.

مسار القراءة حسب دورك

صفحة وحدة تقول لك من وين تبدأ في كتاب المنصة.

رابط عرض جوجل الرسمي للمعلن الجديد في السعودية: المبلغ يظهر لك في صفحة التسجيل، حسب عرض جوجل وقتها. الشروط: عنوان الفوترة داخل المملكة. وتختار العرض وقت التسجيل، وتتأكد إنه ظاهر في صفحة العروض الترويجية قبل ما تصرف. وتصرف المطلوب خلال أول 60 يوم. والرصيد ينتهي بعد 60 يوم من إضافته (حسب شروط جوجل بتاريخ 30 سبتمبر 2026). العرض تابع للمنصة وقد يتغير.

كلها بالعربي، وتنقرأ أونلاين داخل حسابك («مكتبتي») من الجوال أو الكمبيوتر، على جهازين في نفس الوقت، واسمك يظهر على الصفحة. مو ملفات للتحميل، وتحتاج إنترنت وقت القراءة. وصولك دائم للإصدار اللي اشتريته، والتحديثات 12 شهر من الشراء.

وصول فوري بعد الدفع · تقرأه من الجوال أو الكمبيوتر

صفحات حقيقية من الباب

لقطات من القارئ نفسه. الاسم اللي على الصفحة مثال، وعندك يكون اسمك.

• شوف كل الفصول (39): كتاب جوجل
• شوف كل الفصول (6): ملخص جوجل
• شوف كل الفصول (14): الدليل السريع

من حساب جوجل حقيقي في الرياض

• 3,859 ضغطة على زر الواتساب، والمحادثات اللي انحسبت 91 بس (2.4%). وما نعرف هل عدّ الحساب كل المحادثات اللي صارت
• 74,079 ريال (61% من إنفاق الحساب) انصرفت من يونيو إلى أكتوبر 2024، وما كان فيه شي يعدّ النتائج. فما أحد يعرف وش جابت
• حملتين في نفس الفترة، بنفس الإعلان ونفس كلمات البحث. في الأولى خلّينا جوجل يدوّر على اللي يضغط زر الواتساب، وفي الثانية على النقرات. في الأولى صارت النقرة أغلى بـ 30%، لكن كل ضغطة واتساب صارت أرخص بـ 22%: 13.66 ريال بدل 17.46
• كلمة بحث وحدة عامة، «شقق للبيع»، جابت 3,471 نتيجة من 3,950

أرقام حساب حقيقي باسم مخفي، مو وعد لك. و«التحويل» في هذا الحساب يعني ضغطة على زر الواتساب، مو عميل سجّل أو كلّمك.

لمن

لك إذا: تصرف أغلب ميزانيتك على منصة وحدة، أو تبي تتقنها قبل ما تضيف غيرها. وسيط، أو مكتب، أو ميديا باير، أو موظف تسويق عند مطوّر.

مو لك إذا تشتغل على منصتين أو أكثر. أغلب فصول كتب المنصات واحدة، فلو اشتريت كتابين بتقرأ نفس الكلام مرتين. خذ المرجع الكامل.

الضمان

استرجاع كامل خلال 7 أيام: ما ناسبك؟ أرسل رسالة وحدة خلال 7 أيام بعد يوم الدفع، ونرجّع لك المبلغ كامل. ورسوم بنكك الدولية وفرق الصرف، إن وجدت، ما توصلنا، فما نقدر نرجّعها. الشروط

ضمان 30 يوم على المحتوى: أي خطأ أو صفحة ناقصة أو جزء ما يفتح، نصلحه، وإذا ما قدرنا نرجّع لك المبلغ كامل.

الانتقال للمرجع الكامل: خلال 60 يوم من شرائك بـ 400 ريال ما دام سعر المؤسسين مستمر، وبعده 550 ريال.

محتوى فيه عيب؟ نصلحه، وإذا ما قدرنا نرجّع لك المبلغ.

وغير هذي الحالات الشراء ما ينلغي بعد الدفع وتفعيل وصولك. السياسة كاملة

أسئلة

كيف أقرأ بعد الدفع؟

يتفعّل حسابك فورًا، وتلقى كتاب جوجل وملخصه والدليل السريع في «مكتبتي». تفتحها من المتصفح في الجوال أو الكمبيوتر، بدون تطبيق، وعلى جهازين في نفس الوقت.

أبي منصة ثانية بعدين. أشتري كتابها؟

لا. كتب المنصات تشترك في أغلب فصولها، فالكتاب الثاني يكرر عليك نصه. انتقل للمرجع الكامل خلال 60 يوم بـ 400 ريال ما دام سعر المؤسسين مستمر، وبعده 550 ريال، وتاخذ المنصات الأربع والاستشارة.

أقدر أدفع ببطاقة مدى؟

إذا على بطاقتك شعار مدى ومعه شعار فيزا أو ماستركارد، إيه. بطاقة مدى وحدها ما تنفع. استخدم بطاقة ائتمانية أو بطاقة مدى مشتركة.

الصور حديثة؟

الإصدار الأول 2026، والصور ملتقطة هالسنة. ولما تتغير شاشات المنصة ونحدّث فصل، يظهر عندك مباشرة خلال 12 شهر من شرائك.

أقدر أشارك حسابي مع زميل؟

لا، الحساب لشخص واحد واسمك على كل صفحة. للفريق فيه رخص الفرق.

بعد الدفع

تدفع ← يتفعّل وصولك فورًا ويوصلك إيميل الدخول ← تقرأ في «مكتبتي» واسمك على الصفحة ← إيصالك جاهز للحفظ

منصة ثانية؟ سناب شات · تيك توك · إنستجرام · جوجل

الباب اللي بعده

تشتغل على أكثر من منصة؟ المرجع الكامل: المنصات الأربع في مرجع واحد، وخطة 90 يوم، واستشارة مجانية 15 دقيقة مع محمد، وروابط رصيد المنصات الثلاثة.